Abano de lecturas




 

Nesta pasada segunda avaliación e no comenzo desta terceira, os clubs de lectura estivemos ocupados con algunhas lecturas ben interesantes, que nos gustaría compartir con vós.
 
O club de lectura científica decidiuse pola banda deseñada despois de probar coa ciencia ficción. Estivemos a ler a vida das primatólogas Jane Goodall, Dian Fossey e Biruté Galdikas en “Primates”, de Jim Ottaviani e Maris Wicks, e pasamos ás aventuras de Spirulina en “Microalgas”, de Xulia Pisón. Estamos a comezar agora coa divulgación científica con “La química de lo bello”, de Déborah García Bello.
 
O club de lectura de 1º da ESO pasou dos relatos de terror á banda deseñada e xa imos coa terceira parte da serie de “Microalgas” de Xulia Pisón. Esperamos a visita da autora para falarnos da súa obra e realizar un obradoiro de debuxo para o mes de maio.
 
O club de lectura de portugués tamén se decidiu pola banda deseñada cunha adaptación do romance de José Saramago “A viagem do elefante”. E agora van comezar con “Os aventureiros. O mistério da Arrábida”, de Isabel Ricando.
 
No club de lectura de segundo ciclo da ESO decidíronse por “Ollos de auga”, de Domingo Villar.
 
No club de lectura de adultos estivemos a ler “Horda”, de Ricardo Menéndez Salmón, e “O libro azul de Nebo”, de Manon Steffan Ros, historias moi diferentes en escenarios futuros distópicos. Estamos pensando agora na seguinte escolla, xa vos contaremos.

Comentarios

Publicacións populares deste blog

Clubs de lectura neste curso 23-24

Pepetela: A montanha da água lilás

Actividade do club de 1º ESO no colexio de Ventín