Saída a Ventín - Clubs 1ºESO
Unha vez rematados
os exames da 2ª avaliación, comezamos coa lectura de
poemas e fragmentos de obras de teatro. Entre os primeiros estaban algúns de Manuel María e de
Gloria Fuertes e, entre os segundos, fragmentos do Achado do
castro de Manuel Núñez Singala e de As
laranxas máis laranxas de todas as
laranxas, de Carlos Casares. Fixéronse varios ensaios co fin de levar a cabo lecturas
dramatizadas no colexio de Ventín.
O venres 7 de abril
o alumnado pertencente aos clubs de lectura de 1º de ESO participou nunha saída ao colexio de Ventín organizada por ambas bibliotecas, a do IES do
Milladoiro e a do CEIP de Ventín, para levar a cabo unha serie de lecturas
dramatizadas dirixidas ao alumnado de 5º de Primaria. Tamén unhas alumnas de 3º
de primaria leron uns poemas para os clubs de 1º de ESO.
De volta, xa no Instituto, participaron nunha entrevista en Radio Ames e foron quen de expresar a súa emoción polo reencontro co antigo profesorado de Ventín e tamén de explicar a súa experiencia lectora.
Comentarios
Publicar un comentario